jakinarazpena IKEI PHOTO CONTEST
-

Lagun agurgarriak,

Pandemiak eragotzi egin du IKEI Photo Contest-ek orain arte izan duen urteko maiztasuna izatea. Murrizketak (etxez etxeko konfinamenduak, mugikortasun-murrizketak, maskarak erabiltzea) oraindik ere indarrean daude hainbat herrialdetan, eta, kasu askotan, eragotzi egiten dute guztiz gozatzea ohiko “Gizarteko bizitzaz” eta “Enpresako Bizitzaz”, gure lehiaketako kategoria nagusiak, eta horrek zaildu egiten du batasuna, besarkadak eta irribarreak islatzea.

Zailtasun horiek ikusita, eta laster normaltasuna berreskuratzearen zain, IKEI Photo Contest-en edizio berri baten ospakizuna “stand by” egoeran geratu da.

Eskerrik asko orain arteko edizioetan parte hartu duzuen argazkizale guztiei. Lehiaketa ahal bezain laster berreskuratzeko motibazio handia zarete.

Ordura arte, aurreko edizio desberdinetako irudi irabazleekin gozatzen jarraituko dugu.

Laster arte,

“Zein da nire argazkirik gogokoena? Bihar egingo dudana.” - Imogen Cunningham

IKEI PHOTO CONTEST IKEI research & consultancy, S.A-ren 40. urteurrenaren ospakizunaren testuinguruan martxan jartzen den argazkilaritza sozialaren eta enpresako argazkilaritzaren nazioarteko lehiaketa bat da. IKEI 2.500 proiektu baino gehiago eta 600 bezerotik gora dituen nazioarteko presentzia duen enpresa bat da.

Lehiaketak bere bigarren edizioa ospatu du 2018an, 900 parte-hartzaile eta 2.600 argazki baino gehiago jasota.

Berriz ere eskertu nahi dugu abentura hau posible egiten duten pertsona guztien laguntza, bereziki  Mendiko, Naturako eta Abenturako Maria Luisa Memoriala Argazkilaritzaren Nazioarteko Lehiaketaren antolatzaileei.

IKEI PHOTO CONTESTek bi kategoria ditu eta parte-hartzaile bakoitzak kategoria bakoitzeko bi argazki aurkeztu ahal izango ditu gehienez. Bi kategorietan edo bi kategoriatako edozeinetan parte har daiteke: 

1.
GIZARTEKO BIZITZA.
-

Kategoria honen helburua gizarteko bizitza islatzea da, zentzu zabalenean; bertan, pertsona agertuko da besteekin eta bere ingurunearekin erlazionatuta.